D‘ Schemme
Hit Obed hommer jo Scheme-Obed , und wege
dem sind ihr eigentlich jo au kumme: zum die scheene, us Holz g’schnitzte
Kunschtwerk ‘aaz’gucke. Jetzt isch es aber so, dass es z‘
Villinge nitt nu Scheme us Holz giit, sondern es hett au mol en Maa gäe,
zu dem hett mer xait „D‘ Schemme“. Und über den Maa
will ich eib jetz e weng vuzelle.
Erhard Fleig, so hett der Kerle mit richtigem Name g’hoäßä,
isch am 2. Feber anne 1921 z‘ Villinge uff d‘ Welt kumme. Wege
sim markante G’sichts-Usdruck hett mer em aber nu „D‘ Schemme“
xait.
„D‘ Schemme“ war ausschließlich Musiker und Komponischt,
s hett kumm e Feschtle z’Villinge gäe, wo n er nitt mit sire
Quetsche oder mit de elektrische Orgel g’schpillt hett. Und mit dem
Geld, wa in sin uffg’schtellte Huet g’schmisse worre isch, hett
er si bescheidenes Uskumme g’hett.
„D‘ Schemme“ war en seltsame Kauz, der mit em Lebbe eigentlich
uff Kriegsfueß war. Ere g’regelte Arbet im klassische Sinn
isch er selte nochgange. Selli, wonn en no kennt honn, sagget über
enn, er war en Sonderling, en Unbequeme und wenn über ihn g’schwätzt
worre isch, no sind so Sätz g’falle we: „ Der hett doch
en Schprung i de Schüssel!“ oder „Der isch nitt ganz bachä!“.
Er war halt „D‘ Schemme“ - en Sauertopf, en Griesgram,
kurzum: er war eigentlich s‘ typische Bild vun eme klassische Suribel.
Doch wer „D’Schemme“ näher kennt hett, wer zu n em
durchdrunge isch und wer sin Freund war - sin beschte Freund war übrigens
de „Eiermaa“ - der hett en au vun ere andere Siite kennelehre
derfe. Denn er hett nemmlich au warmherzig, zuvorkommend und au durchaus
freundlich si kinne.
Leider hett’s es Lebe mit em nitt guet g’mont. Er war halt oner,
der sich überhaupt nitt hett welle ii- oder unterordne. Und genau
die Iischtellung spieglet sich in sine Lieder wieder, die er komponiert
hett. Mit so schräge Titel we „Baader-Meinhof-Song“, „Hymne
der Säufergilde“ oder „Mördersong“, alli abdruckt
i sim „Xangbuech fer Individualischte“, isch er sin Weg gange.
Und sin Weg war kennzoächnet durch sine Liebe zu de Musik, des war
nemmlich die oäzig erfüllte Liebe, die er g’hett hett.
E kleines Highlight isch des Lied Nr. 7. Bi sellem Lied hört mer
de Xang vum Werner Hirt, den die meischte Villinger nu als „Tschäbet“
kennet. „De Tschäbet“ hett noch em Tod vum „Schanko“
bekanntlich de Platz als dritte Spittelsänger iig’nomme. Des
Lied isch übrigens i de Studios vo MPS do z‘ Villinge uffg’nomme
worre. Schee isch au, das mer une rechts die Original-Unterschrift vu
„De Schemme“ sieht. Wenn ebber die Lischte mol genauer aagucke
will, kaa er gern am Schluß vum Scheme-Obed zu mir kumme. Doch jetzt
z’ruck zum Vortrag!
Mit de Fraue hett er’s degege nitt so kinne. In Gedenke an e vuflossene
Liebe hett er des Lied mit Namme „Erika“ komponiert - e Lied,
des hitt no im Archiv vum SWR z‘ finde isch und vu dene Tantieme
er sin b’scheidene Lebensunterhalt hett beschtreite kinne. Fuer e
weitere vuflossene Lieb‘ hett er de „Beguine für Helga“
g’schribbe, und „Helga“ hett au sin Waschsalo g’hoäße,
doch do demit hett er koä Glick g’hett. Des G’schäft
mit Wesch wäsche war schneller wieder vubei, als es no gar nitt räet
aag’loffe war. Sin Charakter, kennzoachnet durch Eigebrötlerei
und nitt-anpassungsfähig, hett unter anderem sis dezue due, dass
der Waschsalo de Bach nab isch.
En weitere Versuech, mit eme G’schäft Fueß z’fasse,
war e Wirtschäftle mit Name „Grinzingstuben“, doch vu de
Stadt hett
„D’ Schemme“ sellmol koa Konzession kriägt. Wahrscheinlich
honnt die Stadtobere scho im Vorfeld g’wißt, dass des nint
werre ka, und so honnt se ihm des G’schäft vuwehrt.
„D‘ Schemme“ isch uffg’waase im „Rosegässle“,
und die Doale honnt au zu ihm „De Rosegässle-Fox“ xait,
well er ebbl am Samschtigmittag mit sim Akkordeon „Weiße Rosen
aus Athen“ zum Fenschter nuus g’schpillt hett: sellmols ä
Zoache fer elli Nochbore ums Stirzle rum, dass jetzt s‘ Woche-End
fällig isch. Im Rosegässle hett er im Huus vu sine Eltere g’lebt.
Als sin Vater g’schtorbe isch, hett sich si Muetter um en kümmert.
Si Muetter hett au rechtzeitig aag’leieret, dass no zu ihre Lebbziite
s’ Huus vukauft worre isch, vubunde mit eme lebenslange Wohnrecht
fuer ihren Sohn. Sie hett nemmlich g’wisst, dass ihr Sohn so sine
Probleme mit em Lebbe hett und sie ihm uff dem schtoanige Weg helfe muess,
so lang se no kaa.
Des isch dann au sowiit guet gange, bis „D’Schemme“ mol
an eme iskalte Winter-Daag ag’fange hett, de Holzbodde zum Rusriiße,
damit er wenigschtens e weng Holz fer de Ofä hett, weil er koa Geld
g’hett hett fer Heizmat’rial. Au des war
„D‘ Schemme“: en Pragmatiker, en Macher, der nitt lang
überlegt hett. Doch do demit war si Schicksal praktisch endgültig
besiegelt. De Eigetümer vum Elterehuss hett des mit dem rusgrissene
Bodde mitkriägt und hett „De Schemme“ do druff ä Abschtands-Summe
botte, damit er uus de Hoamet nuusgoht. Und so isch „D‘ Schemme“
mit sim bescheidene Huusrot - aageblich hett älles, wan er g’hett
hett, i 2 Köffer passt - nüber i „s’ Goldgruebe-Gässle“
zogge in e städtisch‘ Huus.
Endstation Sozialfall.
A de Fasnet hett’s „D‘ Schemme“ ebbl krache lau, wenn
er i si geliebtes Glonkihäs g’schlüpft isch. Mit Quetschkommod‘
am Maa, riesegroße Zipfelkapp‘ uff em Birzel und im wiiß-blaue
G’wand hett er sini Glonkis aag’führt. Jo, bi de Glonkis,
dert war e dehomm. Des war oefach sin Verein, si Refugium, dert isch er
uffblüht. Sini Glonki-Plembe, die er huufewiis kriagt hett, waret
fuer ihn we en kleine Schatz, der em vill bedeutet hett. Und als Dank
defir hett er des z’ruck gäe, wan er am beschte kinne hett:
Komponiere und Musikmache!
Als Vutoner vu zahlreiche hoametliche Vers‘ vum bekannte Hoemetdichter
Hans Hauser hett sich „D‘ Schemme“ z‘ Villinge en
Name g’macht. So bekannte Liedle we „s‘ Rietvogl-Lied“
oder „De Glonki-Schunkelwalzer“ entstammet sire musikalische
Feder. Und genau selli Kompositione honnt „D‘ Schemme“
zu dem g’macht, wa er e Lebdaag niä hett si welle: e Original!
Doch er hett sis dezue due, idem er sin bürgerliche Name Erhard Fleig
abg’legt hett, denn im Telefon-Buech isch g’schtande: „Schemme,
Goldgrubengasse 21“. Obwohl er a de Fasnet immer s‘ Zentrum
bi de Glonkis war und au sunscht sich en huufe Liit um en rumm g’schaart
honn, wenn er mit sire Musik fuer Schtimmung g’sorgt hett, war „D‘
Schemme“ eigentlich en einsame Mensch. So einsam, wen er g’lebbt
hett, so einsam isch er dann am 21.03.1989 praktisch au g’schtorbe.
Er, wo so en huufe Liit mit sire Musik ä Freid g’machet hett,
hett fascht unbemerkt vu sire Umwelt, si letzschte Reis‘ aa’trete.
De oazig Mensch, wo au a der Moment denkt hett, war wiederum si Muetter,
denn uff em Grabschtoä vum Familie-Grab vu de Sippe Fleig isch bereits
gschtande: „Erhard Fleig, 1921 bis ……“ “.
Wer woäß, wenn si Modder des nitt vufügt hett, no wär
„D’Schemme“ wahrscheinlich sang- und klanglos in eme anonyme
Sozialgrab verschwunde. Mit „De Schemme“ hett Villinge sellmol
oas vu sire letzschte Originale verlore. Villinge, jo, des war fuer „D‘
Schemme“ de Nabel vu de Welt und die Mauere, Tor‘ und Türm‘
waret fuer enn s‘ Gröschte. Do hett er g’lebbt, do hett
er g’wirkt, do hett er Musik g’macht und do hett mer en schließlich
au begrabe.
Die Doale sagget, er war e verkanntes Musikgenie, andere wiederum sagget,
sini Liedle honn s‘ Niveau vun ere simple Biergarte-Musik selte übertroffe.
S isch bin em so gsi, wie im richtige Lebbe halt au: Die Oane sagget so,
die Andere sagget so! Am 21. März anne ‘89 isch „D‘
Schemme“, we xait, schließlich g’schtorbe. I de Tagespresse
sind noch sim Tod diverse Anzeige erschiene. Unter anderem honnt d‘
Glonkis sellmol im Südkurier en bewegende Nochruef abdrucke lau,
unterschribbe vum Vorschtand, vum Elferrot und vum Große Rot. De
Johrgang 1920/21 hett sich am Daag vu sire Beerdigung, s war de 23. März
1989, vor de Friedhof-Kapell‘ troffä, um „D‘ Schemme“
gemeinsam uff sim letzschte Weg z‘ begleite.
Hitt z‘ Daag isch „D‘ Schemme“ fascht vergässe,
fascht konner erinnert sich me bewusst an en. Wenn bi de Fasnetsuche vu
de Glonkis am Fasnet-Sunntig-Obed vor em Bicke-Tor uus de Lautschprecher
s‘ Glonkilied erklingt, wisset die wenigschte vu dene huffe Liit,
wo sich dert versammlet honn und begeischtert mitsinget, dass d‘
Melodie vu dem scheene Fasnet-Liedle vu „De Schemme“ stammt.
Und so isch es au nitt verwunderlich, dass die Wenigschte wisset, dass
„D‘ Schemme“ eigentlich mit richtigem Namme Erhard Bruno
Fleig g’hoaße hett und vu Beruf g‘ lernte Muurer war.
Ich wär nu‘ am End mit mine Usführunge über „D‘
Schemme“. Mit dem Vortrag hitt Obed honn ich der seltsam‘ Maa
welle wieder in Erinnerung ruefe und hoff‘, s war wenigschtens e
klei weng int’ressant für euch und ich honn euch do demit e
Freud‘ mache kinne.
Dank‘ schee fuers Zuhöre und fuer d‘ Uffmerksamkeit !
Ju - hu - hu !!!!
Im Jänner 2017, Harald Schmidt, Arbeitsgemeinschaft Villinger Fasnet